من جبل عامل من جنوب الغضب
من التين والزيتون وكروم العنب
كربلاء الجنوب
من جبل عامل من جنوب الغضب
من التين والزيتون وكروم العنب
من شعب ثائر فجر بدمو الزكي
كل الأعادي وكل خائن بالعرب
ومهما الأعادي يقصفوا بلاد الجنوب
ومهما صواريخن عا أرضو تنضرب
ما زادتوا إلا قوة وإنتقام
فجر بنفسو والعدو منو هرب
وصرخة مؤذن صاح حي عالفلاح
حي على خير العمل كان الطلب
هبوا على التحرير يا أهل الكفاح
جنوب الحسين العاملي قطعة لهب
هبوا على التحرير حي عالفلاح
كل الدول جارات "كانوا" شو السبب
الــلّه أكبر يـا عرب يكفى جراح
شعب الحسين في جنوبنا شافوا العجب
الــلّه أكبر يا عرب "جيش الغرام"
تفجر عشط البحر والكون إرتعب
حتى النظام لصار ياكل بالنظام
وشعب الجنوب بصفحتو ما بينحسب
للمعتدي كل العرب أعطوا السلاح
واعطوا رجال تقاوم واعطوا الذهب
كل الدول يا ناس خافوا من الكلام
ومن خلف سبع بحور دفيوا عاللهب
لكن بأرض جنوبنا من كربلا
أرض الشهامة أرض محرومة الرطب
أرض العليها مرت شعوب وحروب
ومروا عليها الأنبيا من دون غضب
موسى عليها عاش فترة عالدروب
وعيسى عروس جبالنا ربُ ندب
محمد رسول الــلّه(ص) صلى بالجنوب
لما عليها بات من بعد التعب
وحط الوصايا للأبد بين الشعوب
دولة المهدي من الجنوب تنحسب
يا شعب ثائر يا بطل يابن الجنوب
يلي عطيت دروس لبلاد العرب
افتكروا بأنوا الموت فاجعة القلوب
لكن بحب التضحية الموت إنعطب
وبات العدو من الفزع قلبو يذوب
حمل معداتو وعلى حدودُ إنقلب
ورجعوا لقرانا الآمنه وفيها شعوب
إعتقلوا شبابا للسجون لتنضرب
وصار الهدم لبيوتنا وقطع الدروب
قصه جديدة هيك بريدوا العرب
أنصار يا عتليت في بقلبك قلوب
كاتبلن التاريخ قصة علا جنب
لكن سؤالي بسألوا ما في عيوب
ليش الذبح عالتذكرة لمين إنحسب
ليش الذبح عالتذكرة الأرزة حزوب
وجنوبنا دافع عن الأرض وكسب
ما عاد بدو الأرز أصبح عميذوب
مين اللي ناجح بالحقيقة ومين رسب
مين لسقى الأرزات في دم القلوب
ومين سيفوا كان بابير وقصب
ومين الحمى الرزقات ليزيدوا الحبوب
ومين الحرق ارض الجنوب بلا حطب
ومين لبقي بالبيت من بعد الغروب
سهران طول الليل ما يعاني تعب
تدوم إلنا تظل باقي يا جنوب
شعبك قنابل محرقة وإنتي لهب
شعبك قنابل والعه في ذمتوا
وارضك بحاجه ترتوي من ميتوا
لكن حكومة شعبنا وبرطيلها
بعيش واحد لأجل يقتل أمتوا
هيدي حقيقة والحقيقة واضحة
خيانة دول حاكوا علينا وبيتوا
وحطوا فتيل التفرقة وسلاحها
وبالدين حطوا الطائفية حكايتوا
هذا لبريدوا الغرب وبلاد العرب
أحزاب صارت عالكراسي غايتوا
وشعب البريء المات في هيك سبب
ما بيعرف شعب قتّل إخوتوا
لكن لدافع عن عقيدة وعن كسب
ومن مدرسة إبن الرسول شهادتوا
بيصعد بروحوا السابحة لأعلى مكان
ومع سيد الأحرار يلقى جنتوا
وبيسألا شو جايبي معاكي خبار
بتخبروا عالأرض كفرة أُمتوا
وبتخبروا عن شعب أصبح في خيار
اما حياة الذل اما شهادتوا
وبتخبروا صاروا العذارى من الطهار
بالمعتدي التفجير حتى نهايتوا
بدنا الجنوب يعود من بعد الدمار
والشعب ينهض بالديانه وحدتوا
بدنا الجنوب وكربلا وسيف الفقار
وشعب الحسين يظل حامل رايتوا
بدنا كتاب الــلّه حكمه ومحكمة
وإسلام دين الحق يفرض كلمتوا
بدنا كتاب الــلّه حكمه ومحكمة
ويوم الفرج يا رب تقرب ساعتوا
