يا إمّي

يا إمّي شايف عيونك حزيني
شو اللّي مزعلك يا توءبريني
يا ريت الناس بتبيع السعادة
لجبلك كل فرحة و كل زينة
حرام الحزن يغمر هالأيادي
اللي كنتِ فوق منهم تحمليني
وصباكِ يلبس اللون الرّمادي
و قلبك مثل زهر الياسميني
ولك إنتِ كل ما إزحف و دادي
تشوفيني رجل و تعلميني
يا إبني أرضك عبدها عبادي
الذهب شو قيمتو لولا الخزيني


يا إمّي بعرفك عندك جلادي
و صبر فيه الرّبا و الطمأنيني
مين العوكرك يا بحر هادي
و طفا الشمعة اللي ضوّت عَ مديني
رفعت راسها بحزم وإرادي
و مسحت جمرة الدمعة السخيني
و بجرح صوتها صارت تنادي
القدس بنتي القدس إمّي السجيني
يا إبني جارت عليها الأيادي
وتاهت عن مراسيها السفيني
برضايي عليك يا فلذة فوءادي
حرّرها ولا تتركها رهيني
يا إبني القدس أغلى من ولادي
و إنتو والقدس من فرد طيني
كانت فرحتك قصدي و مرادي
و حتّى بعرسك تزهّر سنيني


أنا بدّي لبسك ثوب الشهادي
و أحمل نعشك و إرفع جبيني
وقّف و قلها بلسان شادي
أنا إبنِك مثل ما بتعرفيني
أنا إبنك إذا نادى المنادي
إستشهادي فدائي بتوجديني
يا إمّي مين أغلى من بلادي
بعد الله الأرض و العرض ديني
يا إمّي واجبي تابع جهادي
بوصّيكي قبل ما تودعيني
إذا نلت الشهادة باعتقادي

يا إمّي شايف عيونك حزيني
شو اللّي مزعلك يا توءبريني
يا ريت الناس بتبيع السعادة
لجبلك كل فرحة و كل زينة

حلووووووووووووووو كتيرررررررررررررر

يعطيك اااااالف عافية

أجمل لفض نطق به لساني
أحن شعور غمؤى فؤادي
في لحظة الفرح واليأس
مع غياب وطلوع الشمس
ارى وجهها امامي
بضحكة منها انسى احزاني
تداوي جروحي باللمس
هي الغد والامس
جنة الدنيا بين يديها
حنان الملائكة في عينيها
شكرا عالمرور زينب