المقادير
دجاج على كيفك افخاذ او صدور او جوانح او مشكل اللي بتحبيه انا عملت افخاذ
بصلة متوسطة مفرومة ناعمة
اربع فصوص ثوم مدقوقة ناعمة
اربع حبات بندورة مقطعة مكعبات صغيرة
واحد فلفل اخضر واحد فلفل احمر قطعيهم مكعبات صغيرة
نصف باقة كزبرة خضرة مفرومة او فيكي تحطي نص كوب كزبرة مثلجة ما بهم
ملح
ملعقة طعام معجون بندورة
كوب ونص او كوبين حسب الحاجة صلصة البندورة او tomato sauce
نص ملعقة صغيرة فلفل اسود
نص ملعقةصغيرة بهار حلو
زيت لقلي الدجاج
الطريقة
حمي الزيت واقلي فيه قطع الدجاج
بنفس الزيت اذا لقيتيه كتير شيلي منه شوي اقلي فيه البصل والثوم حتى يذبلوا
ثم ضيفي الكزبرة البندورة الفليفلة الخضراء والحمراء وبقية المكونات كلها
حركيهم شوي ثم اضيفي الدجاج فوقهم
غطي الطنجرة واتركيها على نار خفيفة لحد ما تعقد الصلصة ويستوي الدجاج
اجا دور الرز الطبخة هي يتقدم معها رز بالزعفران والخضروات
المقادير
رز حسب حاجتك
ماء
كوب خضروات مشكلة متلجة او طازجة على كيفك
رشة زعفران
ملح
الطريقة
ضعي الرز والماء والزعفران على النار خفيفة
ثم اضيفي معه الخضروات والملح
غطي الطنجرة لحد ما ينشف الماء ويستوي الرز ثم حركيه وارفعيه عن النار
وبالاخر قدميه مع الدجاج اللي عملتيه
وصحتين والف عافية على قلوبكم
